مع الوقت عرفت !!!

مع الوقت عرفت إنى لازم أصدق أحساسى لأن لو ناس كدبوا عليا احساسى ده منى و مش هيكدب..
مع الوقت عرفت أن فى ناس الأشياء عندهم أغلى كتير من البشر ..
مع الوقت عرفت إن الناس بتتغير و بيتغيروا  بس لما بيحسوا انهم امتلكوك تماما و انهم كل حياتك..
مع الوقت عرفت إنى ممكن أكون من الناس دى اللى بتتغير..
مع الوقت عرفت ان الوحدة بتجرح بس بتعلمك تفهم نفسك أكتر..
مع الوقت عرفت أن كل اللى أفتكر نفسه من شواذ القاعدة صدمته القاعده انه اساسها..
مع الوقت عرفت انك لو اتنازلت عن حقك مرة هتتنازل عنه للأبد..
مع الوقت عرفت اننا كنا فاهمين المثل غلط لأنه بات ظالم ولا تبتش مظلوم ..
مع الوقت عرفت ان اللى ميصلحش منك و يخليك انسان أحسن ميبقاش بيحبك..
مع الوقت عرفت إن أمك و أبوك ميستهلوش منك  تخدعهم عشان واحد مبيحبكش..
مع الوقت عرفت ان كل كلمة أبوك قالهالك و اتريقت عليه فى سرك الوقت هيثبتلك انه كان صح..
مع الوقت عرفت ان كل واحد بيروح لحاله ..
مع الوقت عرفت إن الأنسان الأنانى بيشوف كل اللى حوليه أنانين لإنه مستنى كل اللى حوليه يفكروا فيه زى ما هو بيفكر فى نفسه..
مع الوقت عرفت انك لو اعتبرت الحب تجربة و اختبارات دبيما هيفشل..
مع الوقت عرفت ان الحرية ثمنها غالى يمكن أغلى من أروحنا..
مع الوقت عرفت أنى معرفتش حاجة !!!!

هوت شوكلت (مقدمة)

زى أى قصة بيشوف فيها البطل البطلة يتنحلها يوصلها يتكلم معها على النت الأول من أجل التعارف فيدمنوا الكلام و يحدث الاعجاب فيتكلموا فى التليفون عشان يتفقوا يتكلموا على النت امتى و يقرروا يخرجوا و مع اختلاف المكان و الوقت الا ان بيكون فى حاجة مشتركة فى كل قصة الولد بالاناقة و البنت بالشياكة واصحاب البنت اللى بتقوله انا جيباهم عشان منزلش معاك لوحدى و هى اصلا جيباهم عشان يتفرجوا عليه عشان يدوها الاوكيه ...يزداد الاعجاب و تطول مكالمات التليفونات و الكلام على النت و النزول و ده الوقت اللى بتكون العلاقة فى أقصى درجات التوهج و فى مكان الانحدار .

فى الوقت ده البنت بتتعامل زى البرينسيس ليها حق التناكة و القفش و الولد يجرى وراها تقفش يجرى يصالحها تزعل يمرمغ نفسه فى الوحل بس ميسمعش صوتها زعلان لدرجة ممكن احيانا توصل البنت انها تتخنق من انه مهتم بزيادة و مش زى صحاب صحباتها التنكه .

طبعا فى المرحلة دى الفيس بوك بيلعب دور كبييير فى اشعال النار و كما قال العظيم  أبو الليف مين دول اللى على الفيس بوك ..مين ده تعرفيه منين و أسخف مقلب بقا لو خد الباسورد ..النتيجة فى الاخر فيس بوك صحراوى كله بنات بس و لو هو بيحبها قوى يعنى بيشيل البنات اللى عنده و لو من الشباب اياهم يسيطر انما ميتسيطرش عليه .

تلاقى مسجات يدوبلها القلوب و دباديب و هدايا و برفانات و كافيهات و بيكون الولد جينتل على الاخر و بتكون البنت بسكوتة 

 الوقت ده من كل علاقة بيكون أحلى وقت و ياريته بيستمر كدة بس للأسف مبيستمرش كدة ...... و للحديث بقية

من أنا....!!

لم أعد أنا تلك الاميرة الفقيرة ولا الراشدة المراهقة الصغيرة و لا العاقلة المجنونة ولا الذكية الغبية ولا العملية الررومانسية ولا المستكينة الثورجية ولا الشريرة الغلبانة ولا الشجاعة الجبانة ولا المتسرعة المتأنية ..فبعدما كنت انا كل هؤلاء علمت عدة أشياء ....علمت إنى كل شىء ولا شىء..علمت أن مأساة حياتى تكمن فى أرضاء الجميع ..علمت أنى بعد كل تلك الصفات لا أعلم من أنا فقررت أن ألغى كل هؤلاء ليظهر لى من بينهم من أنا و لم أعد أنا كل هؤلاء و لكنى لا أعلم من أنا !!!

هل .... ؟؟

هل كان لابد لى ان انسى كى تتذكر.. هل فقط تذكرتنى عندما قررت ان ارحل..لماذا يشتهى الانسان العسل عندما يراه فى المنحل؟ هل لم اكن اخطر ببالك تكبرا و عناد..ام انك كنت تنتظر وقتا و ميعاد..للاسف فى ميعادك هذا تركت البلاد..نعم تركتها بعد انكسار الامل!!

الملل هو الوحش المدمر الذى ينهى أجمل قصص الحب و أطولها ..!!
كلما زاد الحب عمرا و ازداد الحبيبين قربا كلما زاد الوحش عنفا ..!!
أعلم ان كلنا يخاف الملل كلنا يخاف ان يمل الاخر ..!!
خوفى ان اخاف ان تملل فأملل و ان تخاف ان املل فتملل
و يضيع حبنا بين الخوف و الملل ...!!