أنا صفر عالشمال لا عندى جاه ولا مال
وحتى كلامى مش مسموع كانه مش متقال
و اه بحزن و اه بزعل بس الامل شغال
...
...
مرسوم في بحر خيال ..و توهت
وفى بحر خيالى انا ياما غرقت
و الموج بلعته لما شرئت
وقلت انا مت أكيد انا مت
ولسوء حظى لقيتنى انا عيشت
صحيت تنحت خوفت ومن دروختى اتكعبلت
..
..
وقعت ملقتش ليا ايد تتمد
صرخت مسمعنيش ولا حد
سكت وعرفت ساعتها انى لبست
يمكن في حيطة لا في سد
..
..
رجعت بضهرى اتشيلت
هموم تشوفها تقول ارطال
من قوتها صخر جبال
شيلت ولا اجدع شيال
وفى قسمت ضهرى عندى امال
..
..
لمحت ضحكة خطفتها
رسمتها على وشى قالوا محتال
حتى الضحكة في زمنا عايزة المال
مين قال في الفقر راحة البال مين قال
وفين الراحة فانك تبقى مجرد صفر على الشمال ..!!
Visit our page REMONZA (http://www.facebook.com/remonzaa)
ليست هناك تعليقات:
إرسال تعليق